आदर्श अनलाइन, बागलुङ
कोअपरेटिभ म्यानेजर्स क्लव बागलुङले फेरी भेटौला कार्यक्रम सहित शुभकामना आदानप्रदान कार्यक्रम गरेको छ । क्लवले बिजयीदशमी, शुभ दिपावली, छठ पर्व र नेपाल सम्वतको अवसरमा शुभकामना आदान प्रदान गर्नुका साथै राष्ट्रिय सहकारी बैङ्क बागलुङ शाखाका प्रमुख युवराज त्रिपाठीसँग फेरी भेटौला कार्यक्रम गरिएको हो ।
शाखा प्रमुख त्रिपाठी ५ वर्षको बागलुङ बसाइँपछि सरुवा भएर महाराजगंज काठमाण्डौ जान लाग्नु भएकोमा उहाँसँग फेरी भेटौला कार्यक्रम गरिएको क्लवका सचिव ताराप्रसाद शर्माले जानकारी दिनुभयो ।
कार्यक्रमको उद्घाटनपछि बोल्दै राष्ट्रिय सहकारी महासंघका संचालक एवँ जिल्ला सहकारी संघ बागलुङका अध्यक्ष हुमाकुमारी जिसी अञ्जुले चाडपर्वलाई संस्कृति जोगाउने तरीकाले मनाउनुपर्ने बताउनुभयो ।
उहाँले सहकारीमा देखिएका समस्यालाई समधान गर्नका लागि संचालक समिति र कर्मचारीबिचको सम्वन्धलाई मजभुत बनाउन आवश्यक रहेकोमा जोड दिनुभयो । जिसीले सहकारीले गरेका राम्रा कामको प्रचारप्रसार गर्न जरुरी रहेको पनि बताउनुभयो ।
कार्यक्रममा राष्ट्रिय सहकारी बैङ्क बागलुङ शाखाका प्रमुख युवराज त्रिपाठी, क्लवका सल्लाहकार दिपकजंग राजभण्डारी, नरेन्द्र कँडेल लगाएत बिभिन्न सहकारीका प्रवन्धकहरुले शुभकामना आदान प्रदान गर्नु भएको थियो ।
कार्यक्रम बागलुङ कोअपरेटिभ म्यानेजर्स क्लवका अध्यक्ष नवराज शर्माको अध्यक्षता, उपाध्यक्ष दिपकराज सापकोटाको स्वागत र सचिव ताराप्रसाद शर्माको संचालनमा सम्पन्न भएको थियो ।
