आदर्श अनलाइन, बागलुङ
नवनियुक्त धौलागिरि बहुमुखी क्याम्पसका क्याम्पस प्रमुख सह–प्राध्यापक डा. सुदर्शन सिलवालले पदभार ग्रहण गर्नुभएको छ ।
त्रिभूवन विश्वविद्यालयद्वारा शिलवाललाई हालै क्याम्पस प्रमुखमा नियुक्त गरेको थियो ।
आइतबार एक समारोहका बीच निर्वतमान प्रमुख प्रा.डा. रामप्रसाद उपाध्याय र क्याम्पस व्यवस्थापन समितिका अध्यक्ष डा. दिनबहादुर थापाले सिलवाललाई पदभार गराएका थिए ।
नवनियुक्त क्याम्पस प्रमुख सिलवालले क्याम्पसलाई शैक्षिक हव बनाउदै गुणस्तर अभिवृद्धिमा लाग्ने प्रतिबद्धता जनाउनुभएको थियो । उहाँले क्याम्पस शैक्षिक अनुसन्धान केन्द्रको हव बनाउदै आफूले चुस्त व्यवस्थापनमा ध्यान दिने बताउनुभयो ।
अर्थशास्त्र विषयअन्र्तगत विश्व बैंकको छात्रवृत्ति कोटामा ‘म्युनिसिपल फाइनान्स इन नेपाल’ शिर्षकमा सिलवालले विद्यावारिधी गर्नुभएको थियो । उहाँको अध्ययनमा ‘अ स्टडी अफ वेस्टन डेभलपमेन्ट रिजन’ छनौट थियो । २०५५ सालमा त्रिवि सेवामा प्रवेश गरेका सिलवाल २०६१ सालमा उप–प्राध्यापक हुनुभएको छ । २०६८ सालमा विद्यावारिधी प्राप्त सिलवाल २०७० असार २९ गतेदेखि सहप्राध्यापक हुनहुन्छ ।
अर्थशाष्त्र, आर्थिक विकास, पर्यटन लगायतको क्षेत्रमा शिलवालले स्तम्भ समेत लेख्दै आउनुभएको छ ।
बागलुङ नगरपालिका–३ मुलपानी स्थायी घर भएका सिलवालको नियुक्तीले क्याम्पसको भविष्य थप उचाइमा पुग्ने निर्वतमान प्रमुख राम प्रसाद उपाध्यायले बताउनुभयो ।
कार्यक्रममा क्याम्पस प्राध्यापक संघ, स्वतन्त्र बिद्यार्थी युनियन, कर्मचारी युनियन लगायतका प्रतिनिधिले शुभकामना मन्तव्य राखेका थिए ।
