आदर्श अनलाईन, बागलुङ
पर्वत समाज कतारको आयोजनामा शुक्रबार आन्तरिक वनभोज तथा भेटघाट कार्यक्रम सम्पन भएको छ ।
कतारमा रहेका पर्वतेलीहरुका विचमा आयोजना गरिएको कार्यक्रममा तीन सयभन्दा बढीको उपस्थिती रहेको समाजका सचिव सेवक विकले जानकारी दिनुभयो । कार्यक्रममा उपस्थितिलाई परियार मित्रता समाज कतारको पञ्चेवाजा समुहले छमछमी नचाएका थिए ।
कार्यक्रममा बोल्दै समाजका संरक्षक छविलाल भट्टराईले समाजले गरेको कार्यक्रमले पर्वतेलीहरू बिचको आत्मियता बढाउन सहयोग गरेको बताउनु भएको थियो । उहाँले अन्य संघ, सस्था र समाजहरूसंग समेत मित्रता र परिचय गर्न गराउन कार्यक्रमले सहयोग गरेको बताउनु भयो ।
कार्यक्रममा सम्पूर्ण सहभागीको तर्फबाट बोल्दै समाजसेवी होमनाथ शर्माले पर्वत समाजले लामो समयदखी आफुलाई अब्बल सावित गर्दै काम गरिरहेको बताउनु भएको थियो।
आपासी भद्भाव, सदासयता कायम गर्दै कतारमा स्थापित अन्य संघ संस्थाहरुसँग समेत मित्रावत सम्बन्ध स्थिापित गर्ने उद्देश्यका साथ कार्यक्रमको आयोजना गरिएको समाजका अध्यक्ष ओम बहादुर क्षत्री सन्तोषले बताउनु भयो । आफुहरु भर्खरमात्र समाजमा निर्वाचित भएको आएको बताउँदै उहाँले सल्लाह सुझाव र गुनासा समेत बुझनका लागि कार्यक्रमको आयोजना गरेको बताउनु भयो ।
कतार फेन्सिङ फेड्रेसनको आयोजनामा कतारमा जारी ग्रान्ड प्रिक्स डु फेन्सिङ प्रतियोगीतामा सहभागी हुन आएका खेलाडीहरु भिष्मराज दाहाल र सागर थापालाई सम्मान गरिएको थियो ।
समाजका अध्यक्ष सन्तोष क्षत्रीको अध्यक्षतामा भएको औपचारिक कार्यक्रमको स्वागत बरिष्ठ उपाध्यक्ष टिकाराम भुसालले र सञ्चालन सचिव सेवक विकले गर्नु भएको थियो । साँस्कृतिक कार्यक्रमको सञ्चालन सह सचिव कृष्ण दर्लामीले गर्नुभएको थियो ।
