आदर्श अनलाइन, बागलुङ
बागलुङमा भिरबाट लडेर गम्भिर घाइतेको हवाई उद्दार गर्दा समेत ज्यान बचाउन नसकिएको हो । आज बिहान साढे १० बजे बागलुङको तमानखोला–१ हिल निवासी स्थित ५० वर्षीय इन्द्र घर्ती मगर भीर बाट लडेर उपचारको क्रममा पोखरामा मृत्यु भएको छ ।
घर देखी २०० मिटर पूर्व रहेको आफ्नै खरबारीमा घाँस काट्ने क्रममा लडेर गम्भिर घाइते हुनुभएको थियो । घाइतेको उपचारका लागि तत्कालै सिम्रिक एयरको हेलिकप्टर मार्फत मणिपाल शिक्षण अस्पताल पोखरा पठाइएकोमा दिउँसो १२ बजे घर्तीमगरलाई मृत घोषणा गरिएको जिल्ला प्रहरी कार्यालय बागलुङका सूचना अधिकारी बिजय यादवले जानकारी दिनुभयो ।
फाइल तस्बिर