आदर्श अनलाईन, बागलुङ
लकडाउनका कारण ताजा तरकारी खानबाट वञ्चित भएका भक्तपुरका बासिन्दालाई जिल्ला कृषि सहकारी संघ लिमिटेड भक्तपुरले घरघरमा तरकारी पु¥याउने अभियान सञ्चालन गरेको छ ।
कोरोना भाईरस (कोभिड–१९) को संक्रमणका कारण सरकारले लकडाउन घोषणा गरेपछि बजार बन्द भएका कारण समस्यामा परेका स्थानीयलाई कृषि सहकारी संघको सक्रियतामा घरघरमै तरकारी पु¥याउन थालिएको हो । सरकारले लकडाउन घोषण गरेको लगत्तै चैत १४ गतेदेखि यो अभियान संघले सञ्चालन गरेको हो ।
कृषि ज्ञान केन्द्रले विषादी छर्ने बेला लगाउने गरि दिएको रेनकोट पञ्जा, मास्क नै किसानसंग मागेर तरकारी वितरण गर्न शुरु गरिएको संघले जनाएको छ ।
कोरोना संक्रमणको त्रासका कारण व्यापारीहरुले पसल सञ्चालन गर्न सकेका छैनन भने सहकारी संस्थाहरुले पनि विक्री वितरण गर्न सकेका छैनन्, यस्तो अवस्थामा कृषि सहकारी संघले किसानले उत्पादन गरेका तरकारी संकलन र बजारीकरण शुरु गरेको हो । संघले उपभोक्ताहरुलाई ताजा तरकारी घरघरमै पु¥याउने अभियान सञ्चालन गरेर स्थानीयलाई सहयोग पु¥याएको छ ।
भक्तपुरको सीपाडोलमा उत्पादन भएका तरकारी संकलन गरेर उपभोक्ताको घर–घर पुर्याउने काम भइरहेको जिल्ला कृषि सहकारी संघ भक्तपुरका अध्यक्ष सनिस लागेजुले बताउनुभयो । संघले घर घरमा तरकारी पु¥याउनका लागि १० जनाको समूह परिचालन गरेको छ । संकटको समयमा कृषकले उत्पादन गरेको तरकारी बजार पु¥याउन कुनै व्यापारीलाई गुहार गर्नु पर्ने अवस्था छैन, हामी आफैले गर्न सक्छौ भन्ने निष्कर्ष हाम्रो हो, अध्यक्ष लागेजुले भन्नुभयो ।
स्थानीय उत्पादन स्थानीय उपभोग’ भन्ने नाराका साथ स्वस्थकर तरकारी टोल टोलमा सेवा दिने उद्देश्यले सदस्य संस्थाका सदस्यहरुको खेत बारीमा उत्पादित तरकारी संकलन गर्ने र प्याकिङ गरेर उपभोक्ताको घर–घरमा पु¥याउन थालेपछि उत्पादन गर्ने कृषक सदस्यहरु समेत उत्साहित भएका छन् । सहकारी संस्थाका शेयर सदस्य कृषकहरुले उत्पादन गरेका तरकारी संकलन गरी प्याकेट बनाउने र खरिद मूल्यमा ढुवानी जोडेर उपभोक्ताको माग बमोजिम घर घरमा पु¥याउने गरेको संघका सचिव प्रचण्ड प्रधानले बताउनुभयो ।
संघले सञ्चालन गरेको अभियान अन्तर्गत चाँगुनारायण र सूर्यविनायक नगरपालिकाका जनप्रतिनिधि र स्वयंसेवकसंग समन्वय गरेर टोल टोलमा पु¥याउने तथा एक एक मिटरको दुरीमा रहेका उपभोक्तालाई प्याकिङ गएिको तरकारी विक्री गर्ने गरिएको सञ्चालक कुल बहादुर नेमाफुकी बताउनुहुन्छ ।
सहकारीलाई उत्पादनसंग जोड्नुु पर्छ भन्ने सोंचका साथ किसानको उत्पादन उपभोक्तासम्म सहज तरिकाबाट पु¥याउन संघले सञ्चालन गरेको अभियान प्रभावकारी भएको संघका सल्लाहकार सरिता भट्टराई बताउनुहुन्छ । संघले च्याउ, बोडी, सिमी, प्याज, कागती, गाजर, आलु, धनिया, मुला, मटरकोसा, अण्डा, हरियो खुर्सानी, गोलभेंडा लगायतका तरकारी घर घरमा पु¥याउने गरेको छ ।
भक्तपुर जिल्लामा रहेका कृषि सहकारी संस्थाहरुको छाता संगठनका रुपमा रहेको जिल्ला कृषि सहकारी संघले विगतका कृषि मेला प्रदर्शनी, कृषि व्यवसायको सवलताका लागि अन्तरक्रिया तथा गोष्ठी गर्दै आएको थियो । संघको सातौ वार्षिक साधारणसभाले कृषक सदस्यहरुले उत्पादन गरेका कृषिजन्य वस्तुहरको संकलन, बजारीकरण र प्रशोधनमा सहयोग पु¥याउने योजना पारित गरेको छ ।
संकटमा सहकारीको सेवा, घर घरमा तरकारी पुर्याउदै भक्तपुर कृषि सहकारी संघ
