आदर्श अनलाईन, बागलुङ
बागलुङको गलुवाका २६ वर्षीय युवाको चट्याङले लागेर मृत्यु भएको छ ।
आफ्नै घरको पिढिमा बसेर खाजा खाइरहेका बेला बागलुङ नगरपालिका–१३ पाक्जाका शंकर रिजाललाई शनिबार अपरान्ह ४ बजे परेको चट्याङले लागेको थियो ।
उनको धौलागिरी अञ्चल अस्पताल बागलुङमा उपचारको क्रममा मृत्यु भएको जिल्ला प्रहरी कार्यालय बागलुङका प्रहरी प्रमुख प्रहरी उपरिक्षक नवराज भट्टले जानकारी दिए । चट्याङले लागेर रिजालसँगै अन् केहि घाइते भएका छन् । घरमा जडान गरिएको बिजुलीको तार समेत जलेको छ भने गोठमा रहेको भैसी मरेको छ ।