काठेखोलाकाे कोरोना रोकथाम कोषमा २७ लाख जम्मा

आदर्श अनलाईन, बागलुङ
काठेखोला गाउँपालिकाले कोरोना रोकथाम तथा व्यवस्थापनको लागि स्थापना गरेको कोषमा सहयोग गर्ने दाताहरु बढी रहेका छन् ।

गाउँपालिकाले १० लाख र गण्डकी प्रदेशको ५ लाख गरि १५ लाख रुपैयाँबाट स्थापना भएको कोषमा हाल २७ लाख ४६ हजार ९ सय ११ जम्मा भएको गाउँपालिकाका प्रमुख प्रशासकीय अधिकृत खिमबहादुर विकले जानकारी दिनुभयो ।

गाउँपालिकाले स्थापना गरेको कोषमा विभिन्न संस्था तथा व्यक्तिहरुले सहयोग गर्दै आएको विकको भनाई छ । कोषबाट गाउँपालिकाले स्वास्थ्यकर्मीहरुको लागि आवश्यक उपकरण, औषधी व्यवस्थापन र राहत वितरण गरिने विकले जानकारी दिनुभयो ।

‘गाउँपालिकाले स्थापना गरेको कोषमा धेरै संघ/संस्थाहरुले उत्साहजक रुपमा सहयोग गरि रहनुभएको छ,’ उहाँले भन्नुभयो ‘कोषबाट हामीले एउटा मापदण्ड बनाएर राहत वितरण, स्वास्थ्य उपकरण व्यवस्थापनमा लगाउने निर्णय गरेका छौँ ।’