दिल शिरीष, बागलुङ
दुई संक्रमित निको भएर घर फर्किए पछि आंशिक राहत महुशुस गरिएको बागलुङमा फेरी स्वास्थ्यकर्मी सहित दुई जनाको स्वाब परीक्षणका लागि पठाइएको छ ।
धौलागिरी अञ्चल अस्पतालमा कार्यरत डाक्टर र अर्का एकजनामा कोरोना भाइरस (कोभिड १९) को लक्षण देखिएपछि स्वाब संकलन गरिएको हो ।
स्वास्थ्य कार्यालय बागलुङका प्रमुख सुरज गरौंले पनि स्वास्थ्यकर्मीको शंकास्पद लक्षण पश्चात स्वाब परीक्षणका लागी पोखरा पठाइएको पुष्टि गरे । ‘एक जना अस्पतालमै कार्यरत स्वाथ्यकर्मी र अर्को एक जनाको स्वाब परीक्षणका लागि पठाइएको छ,’ गुरौले भने, ‘यसले हामी सबैलाई झस्काएको छ, जिल्लामा सहज बन्दै गए पनि सबै सचेत हुन जरुरी छ ।’
अस्पतालमै कार्यरत डाक्टरलाई नै रुघाखोकी र ज्वरोको लक्षण देखिए पछि स्वाब संकलन गरी आकस्मिक रुपमा पोखरा पठाइएकोमा कोरोना संक्रमण नभएको नेगेटिभ रिपोर्ट आएको धौलागिरी अस्पतालका सूचना अधिकारी तिर्थराज गौतमले जानकारी दिए । ‘डाक्टर सापलाई कोरोना सँग मिल्ने लक्षण देखिए पछि अस्पतालमा सबैलाई सन्त्रस्त बनायो,’ गौतमले भने, ‘रिपोर्ट नेगेटिभ आए पछि केहि राहत महुशुस भएको छ ।’ अर्का प्राइभेट स्वास्थ्य संस्थामा काम गर्ने स्वास्थ्यकर्मीको रिपोर्ट भने आउन बाँकी रहेको उनले बताए ।
शंकास्पद लक्षण पछि बागलुङका डाक्टरकै स्वाब परीक्षण
