आदर्श अनलाईन, बागलुङ ।
बागलुङको ढोरपाटन नगरपालिका–६ ओखेनीको कुदुमखोलामा एक महिलाको शव भेटिएको छ ।
शनिबार दिउसो ३ बजेको समयमा सोही ठाउँका खुम बहादुर विककी ४५ वर्षीया श्रीमती मायादेवि विकको शव कुदुमखोलाको विचभागमा भेटिएको इलाका प्रहरी कार्यालय बुर्तिवाङका प्रहरी निरिक्षक सुरझ खड्काले जानकारी दिनुभयो ।
असोज १ गते घरबाट हराएकी मायादेविको परिवार र आफ्न्तले खोजी गरिरहेको भएपनि शनिबार घरदेखि आदा घण्टाको दुरीमा पर्ने खोलामा शव भेटिएको प्रहरीले जनाएको छ । स्थानियको सूचनाको आधारमा हामिहरु अहिले घटना स्थलमा जाँदै छौं, खड्काले भन्नुभयो–‘शवको प्रकृति हेरी मुचुल्का उठाएर मृतकको शव पोस्मार्टमको लागि पठाउँछौं, घटनाको विस्तृत विवरण अनुसन्धान पछि थाहा हुनेछ ।’