आदर्श अनलाइन, बागलुङ
आदर्श सञ्चार सहकारी संस्था लिमिटेड बागलुङले संस्थाका शेयर सदस्य रामबहादुर खत्रीका छोरा आशिष खत्रीको निधनप्रति दुख व्यक्त गर्दै शुक्रबार श्रद्धाञ्जली सभा सम्पन्न गरेको छ ।
बानपा-१ खत्रीटोल निवासी खत्रीको गत जेठ ४ गते २६ वर्षको उमेरमा निधन भएको थियो । निधन भएको १३ औं दिनको पुण्य तिथि पारेर आदर्श सञ्चार सहकारीले श्रद्धाञ्जली सभा सम्पन्न गरेको हो । संस्थाले शेयर सदस्य तथा सदस्यका परिवारको निधनमा प्रदान गरिने मृत्यु राहत रकम पनि हस्तान्तरण गरेको छ ।
कार्यक्रममा संस्थाका प्रबन्धक दिपकराज सापकोटा, कर्जा विभाग प्रमुख रुपादेवी ढकाल र नगद विभाग प्रमुख इस्टाफन केसीले संस्थाको नियम अनुसार सेयर सदस्यका परिवारका सदस्यको निधनमा प्रदान गरिने ५ हजार रुपैया मृतकका बुबा रामबहादुर केसीलाइ हस्तान्तरण गर्नु भएको थियो ।
यस सहकारी संस्थाले शेयर सदस्यको परिवारका सदस्यको निधनमा ५ हजार र सेयर सदस्यको निधन भएमा १५ हजार रुपैया मृत्यु राहत स्वरुप हस्तान्तरण गर्दै आएको छ ।
आदर्श सञ्चारद्वारा मृत्यु राहत रकम हस्तान्तरण
