आदर्श अनलाइन,बागलुङ
गण्डकी प्रदेश सरकारले कोरोना भाइरस (कोभिड १९) को रोकथाम, नियन्त्रण तथा उपचारका लागि ६० करोड ४० लाख रुपैयाँ बजेट बिनियोजन गरेको छ ।
गण्डकी प्रदेश सरकारका आर्थिक मामिला तथा योजना मन्त्री किरण गुरुङले गण्डकी प्रदेश सभाका आर्थिक बर्ष २०७७र०७८ का लागि बजेट प्रस्तुत गर्दै यस्तो जानकारी दिएका हुन् ।
विश्वव्यापी रुपमा देखिएको कोरोना महामारी र यसले निम्त्याएको संकट सामनाका लागि आवश्यकता अनुसार बजेट खर्च गरिने उनले बताए ।
सबै जिल्ला अस्पतालहरुमा आइसोलेशन वार्ड थप्ने, सबै जिल्ला अस्पतालमा आइसियु कक्ष सञ्चालन गर्ने तथा अस्पतालहरुको भौतिक पूवार्धार विकास गर्नका लागि यो रकम खर्च हुने अर्थमन्त्री गुरुङको भनाई छ ।