सरकारलाई पूर्व उर्जा राज्यमन्त्रीका ७ सुझाव

आदर्श अनलाइन

अहिले विश्वव्यापी कोरोना आतंक छ । यस विपत्तिको घडीमा पनि कोभिड १९ को रोकथामका लागि कुनै पनि औषधि आविष्कार भएको छैन। सबै देश यसको शिकार बनिरहेका छन् । लाखौं मानिस भाईरसबाट संक्रमित छन् भने लाख भन्दा बढी मानिसको मृत्यु भैसकेको छ। नेपालमा पनि डेढ दर्जन भन्दा बढी संक्रमित भेटिसकेका छन् । त्यो अझै बढ्न जाने सम्भावना छ। आजसम्म सुखद संयोग मान्नैपर्छ, एक जनाको पनि मृत्यु भएको छैन। यदि यस रोगले महामारीको रुप धारणा गर्यो भने सरकार र हामीहरूको नियन्त्रण भित्र छैन भन्ने कुरा धेरै कुराले प्रमाणित गरिसकेको छ। त्यस कारण पूर्व राज्यमन्त्री रामजीप्रसाद शर्माले सरकारलाई ७ सुझाव दिएका छन् ।

–सरकार ले अन्तराष्ट्रिय उडान पुर्ण रुपमा वन्द गर्नु पर्छ।
-भारतसंग को खुला सीमानाको आवत जावत सामान्य निर्देशनले मात्रै नोरिकिने भएकाले सेना तथा सशस्त्र प्रहरीलाई सिमा क्षेत्रमा तैनाथ गरिनु पर्दछ।
-प्रत्येक प्रदेश तथा स्थानीय सरकारहरूले पनि एक प्रदेश बाट अर्को प्रदेश र एक स्थानीय सरकारबाट अर्को स्थानीय सरकारको ईलाका सम्म आवत जावतमा
पनि कडाई गर्नुपर्छ।
-प्रत्येक सरकारले क्वारेन्टाइन,आईसोलेसन वार्डको व्यवस्थित प्रवन्ध गर्नु पर्दछ।
-समस्यामा परेका नागरिकलाई खानपान र औषधि उपचारमा कन्जुस्याई गर्नु हुँदैन।
-कुनै पनि नागरिकले पनि लकडाउनको पुर्ण पालना गर्नु पर्नेछ।
-राज्यले आवश्यक ठानेका वा विशेष गरी विदेशबाट आएका व्यक्तिहरुले आफुलाई कुनै पनि हिनताबोध नसम्झि क्वारेन्टाइनमा बस्नुका साथै ल्याव टेष्ट गरिहाल्नु पर्छ।