सिर्जना पन्त, बागलुङ ।
कोरोना भाइरस (कोभिड १९) को रोकथाम तथा व्यवस्थापनको लागि चैत ११ गतेबाट देश लकडाउन छ । सरकारले लकडाउन घोषणा गरेपछि दैनिक ज्याला मजदुरी गरेर खाने श्रमिक वर्गहरु हप्तौ दिनको पैदल यात्रा तय गरेर गन्तव्यमा र्फकिए ।
पछिल्लो दुई सातामा रोल्पा, रुकुम, गुल्मी पुग्नको लागि दुई महिनाकी सुत्केरी देखि जेष्ठ नागरिक सम्म पैदल यात्रा गरेर पोखरा र देशका विभिन्न स्थानबाट बागलुङ आईपुगेका थिए । उनिहरुलाई बागलुङ नगरपालिका, जिल्ला प्रहरी कार्यालय बागलुङ, जिल्ला प्रशासन कार्यालय बागलुङ र ढोरपाटन नगरपालिकाको समन्वयमा सवारी साधनको व्यवस्था गरेर गन्तव्यमा पठाईयो ।
तर बिहीबार राती मात्र काठमाडौ, पोखरा र चितवन देखि अलपत्र परेका श्रमिक मजदुरको नाममा हजारौको व्यक्तिहरु बागलुङ पवेश गरेका छन् । विभिन्न स्थानिय तहका व्यानर टाँसिएका सवारी साधनमा सुकिला मुकिला व्यक्तिहरु धमाधम जिल्ला छिरेपछि यहि बसोबार गरिरहेका मानिसहरुमा भने कोरोनाको त्रास बढन थालेको छ । उद्धारको नाममा बसमा कोचिएर आएका यात्रुहरुले काठमाडौ देखि बागलुङको गलकोट पुगेको १७ सय भाडा लिएको गुनासो गरेका छन् ।
शुक्रबार विहान ४ बजेबाट ७ बजेसम्म नवलपरासी गैडाकोट बाट ३ वटा बस काठमाडौबाट गलकोट, जैमिनी, वुर्तिवाङ र बागलुङ बजार गरेर ३ वटा बसमा २ सय १५ जना यात्रु मालढुङगा हुँदै बागलुङ भित्रिएको प्रहरी चौकी मालढुङगाका प्रहरी सहायक रामबाबु शाहले जानकारी दिनुभयो ।
बसमा यात्रा गरेका यात्रुहरुको ज्वरो चेकजाँच गरेर पठाईएको उहाँले बताउनुभयो । ‘सबै बसहरुले सम्बन्धीत स्थानिय तहको पास लिएर आउनुभएको थियो शाहले भन्नुभया,े घर पुगेपछि क्वारेन्टिनमा बस्नुहोला भनेर पठाएका छौ ।’ बसमा बागलुङ सदरमुकाम संगै, गलकोट, बुर्तिवाङ, ढोरपाटन, जैमिनी र काठेखोलाका यात्रु रहेको उहाँले जानकारी दिनुभयो ।
आफुहरु संग सल्लाह र सहमती नगरी नेपाल सरकारको लकडाउनलाई उल्लङघन गर्दै सयौ व्यक्तिहरु नगर भित्रिएको भन्दै गलकोट नगरपालिकाका मेयर भरत शर्माले दुख व्यक्त गर्नुभयो । ‘हामिसंग सोधिएन, सल्लाह गरिएन रातारात काठमाडौ र चितवनबाट आएका नागरिकले नगर भरिएको छ’ उहाँले भन्नुभयो, ‘नहुनु पर्ने भइहाल्यो नगर भित्रिएका नागरिरको सुरक्षाको दायित्तव हाम्रो हो, होम क्वारेन्टिनमा बस्न आग्रह गरेका छौ ।’ सरकारले आव्हन गरेको लकडाउनको अप्रतक्ष रुपमा सरकारले नै उल्लङघन गरेको उहाँले बताउनुभयो ।