–सुप्रिया शर्मा
यो भन्दा त उ राम्री छ
उनी उचाइ पनि बढी
उनको लेखी त उस्ले
धेरै राम्रो पढी
अरे मेरो कमजोरीमा तिमी मलाई
होच्याउ, घच्याउ वा गाली गर
तर बिन्ती मलाई उसँग तुलना नगर ।
के आकाशमा उड्ने चरीहरुले
साँच्चै गन्तव्य भेटेका छन् त ?
के जमिनमा हिड्ने कछुवाले
प्राप्तीको आशा मेटेका छन् त ?
अरे मलाई मेरै गतिमा हिँड्दा
चाहे तिमी गाली गर
तर बिन्ती मलाई उसँग तुलना नगर ।।
के सबै फूलहरु एउटै
मौसममा फूलेका छन् त ?
के बेमौसमी फुलहरु
फूल्नै अब भुलेका छन् त ?
अरे मलाई मेरै मौसममा फुल्दा
चाहे तिमी गाली गर
तर बिन्ती मलाई अरुसँग तुलना नगर ।।।
