आदर्श अनलाइन,बागलुङ
जननी नेपालको प्रस्तुतिमा चर्चित सर्जक तथा गायक थानेश्वर गौतम र तृप्ति खड्काको गजल दोहोरी सार्वजनिक भएको छ ।
गजलकार छवि चालिसेको सिर्जना तथा गायक गौतमको संगीतमा तयार टिपिक्कै चोलीको तुना बोलको गजलको म्युजिक भिडियो जननी नेपाल नामको युट्युव च्यानल मार्फत बिहीबार सार्वजनिक भएको हो । निकै श्रृंगारिक भावमा रहेको गजल र म्युजिक भिडियो उत्कृष्ट बनेको छ ।
रोशेल थापाले निर्देशन गरेको म्युजिक भिडियोमा अर्नव गौतम र प्रियना आचार्य मुन्नीले फिचर गरेका छन् । पृथक खालको गजल गीतले श्रोता दर्शकको अघिल्ला सिर्जनाले जस्तै मन जित्ने अपेक्षामा रहेको गायक गौतम बताउँछन् ।
शास्त्रिय गायनमा पनि अब्बल पहिचान बनाएका कलाकार गौतमका केही साता अघि मात्रै छुट्नलाई पो रैछ क्यारे गीत पनि दर्शक श्रोताले रुचाएका थिए । यी गीतको म्युजिक भिडियो २ मिलियन बढी पटक हेरिएको छ ।
उनका मौलिक लोक दोहोरी, सालैजो जस्ता दर्जनौ गीत पनि चर्चित छन् । यो गीतको म्युजिक भिडियो लिंक तल छ ।
