शिवशरण ज्ञवाली
बिहानै घाम उदायो हजूर धवल कै चुचुरो
बगेर आयो काली त हजूर हामी त बबुरो ।
पुग्यौ नि हामी दुई नै भाई अँध्यारो छलेर
उज्यालो भेट्ने जीवनको आशा विगत बिर्सेर ।।
तल है पर्यो काली त हजूर माथि त झोलुंगो
भाइसँग हिड्दा आफैमा हजूर मन त हलुङ्गो ।
कालिका माता जङ्गलको बिचमा पारि त ज्योतिष
संस्कृति ज्ञान मिलेर हजूर बनेको त्यो देश ।।
जम्का नै भेट भयो नि मेरो साथी त आफ्नै हो
भेटमा हजूर अँगालो मार्नु दुखको सुख हो ।
नजानिकन रसाए आँखा विगत सम्झेर
नियति हो नि छुट्याउने हाम्लाई मन त के हो र ।।
दुई जिल्ला जोड्ने पुल त हाम्रो त्यै कालीचौरको
गर्भमै चिना लेख्दिने ज्योतिष पाइन्थे पाङको ।
पाल्पाकी देवी पर्वत जाँदा बागलुङ बसेकी
नजानिकन यति कुरा भन्दा लोक नै हाँसेकी ।।
आउँदा नै गर्दा यो नववर्ष स्वागत छ सबैलाई
म बोले हजूर यही गण्डक क्षेत्र शुभ छ सबैलाई ।
पवित्र बनी आउनेछ वर्ष त्यो रोग नै भाग्नेछ
शान्तिको सिंचन गर्दा नि हजूर विश्वले मान्नेछ ।।
