बडिगाडमा जुम्रा मार्ने विषादी खादा एक किशोरको मृत्यु

आदर्श अनलाईन, बागलुङ ।
बागलुङको बडिगाड गाउँपालिका–९ बलघासाका १५ वर्षीय युवाको जुम्रा मार्ने विषादी खादा मृत्यु भएको छ ।

सोमबार विहान जुम्रा मार्न प्रयोग हुने नुहान नामक विषादी सेवन गर्दा कुल बहादुर थापाका छोरा विशाल थापाको मृत्यु भएको हो । विषादी सेवन गरि विरामी परेका थापालाई उपचारको लागि प्राथमिक स्वास्थ्य केन्द्र बुर्तिवाङ ल्याईएको थियो । उनको अस्पतालमै मृत्यु भएको हो ।

विषादी सेवन गर्नुको कारण नखुलेको इलाका प्रहरी कार्यालय बुर्तिवाङका प्रहरी निरिक्षक प्रकाश सिंह भण्डारीले जानकारी दिनुभयो ।