आदर्श अनलाइन,पोखरा
गण्डकी प्रदेशमा थप २ कोरोना संक्रमितको मृत्यु भएको छ । गोरखा र नवलपुरका १/१ महिलाको उपचारको क्रममा मृत्यु भएको प्रदेश स्वास्थ्य निर्देशनालयले जनाएको छ ।
गोरखाको बारपाक सुलिकोट गाउँपालिका–६ की ४५ वर्षीया महिलाको काठमाडौं र नवलपुरको कावासोती नगरपालिका ५ की ७७ वर्षीया महिलाको चितवन मेडिकल कलेजमा मृत्यु भएको हो ।
गोरखाकी महिलाको बयोधा अस्पताल, काठमाडौंमा १५ असोजमा मृत्यु भएपनि ढिलो गरी मृत्यु पुष्टि गरिएको हो । उनमा किड्नीको समस्या थियो । नवलपुरकी वृद्धामा पिसाब र श्वासप्रश्वासको समस्या थियो ।
योसहित गण्डकी प्रदेशमा कोरोनाबाट मृत्यु हुनेको संख्या ३६ पुगेको छ । मृत्यु हुनेमा कास्कीका १०, नवलपुरका ८, गोरखाका ७, तनहुँका ५, स्याङ्जाका ३, बागलुङ, म्याग्दी र लमजुङका १/१ जना छन् ।
