आदर्श अनलाइन, बागलुङ
गण्डकी प्रदेशमा थप १ कोरोना संक्रमितको मृत्यु भएको छ ।
पोखरा ९ की ६२ वर्षीया कोरोना संक्रमित महिलाको मृत्यु भएको पश्चिमाञ्चल क्षेत्रीय अस्पतालले जनाएको छ ।
कात्तिक १३ गते कोरोना संक्रमण पुष्टि भएर आईसियुमा रहेकी महिलाको आज बिहान ८ बजे निधन भएको हो ।
उनमा कोरोनासहित निमोनिया, डाइबिटिजको समस्या थियो ।
यससँगै गण्डकी प्रदेशमा कोरोनाका कारण मृत्यु हुनेको संख्या ७६ पुगेको छ ।
प्रदेशमा ७ हजार ३ सय १६ संक्रमितमध्ये ४ हजार २ सय २१ जना निको भएका छन् ।