आदर्श अनलाइन, पोखरा
चुरोट सल्काउने क्रममा आगलागी हुँदा पोखरामा ४ जना घाइते भएका छन् ।
पोखरा १९ पुरन्चौरस्थित सिता गौतमको घरमा ग्यास लिक भएका कारण चुरोट सल्काउने क्रममा शनिबार बिहान ४ बजे आगलागी हुँदा घरमा डेरा गरि बस्ने ४ जना घाइते भएको गण्डकी प्रदेश प्रहरी कार्यालय पोखराले जनाएको छ ।
टिनको छानो भएको कच्चि घरमा भएकोआगलागीमा गोरखा स्थायी घर भएका ५४ वर्षीय शेर बहादुर गुरुङ, ४५ वर्षिया देउ कुमारी गुरुङ, १५ वर्षीय कृष्ण गुरुङ र ३७ वर्षीय मन बहादुर गुरुङ घाइते भएको गण्डकी प्रदेश प्रहरी कार्यालय पोखराका डिएसपी राजेन्द्रवावु रेग्मीले जानकारी दिनुभयो ।
डिएसपी रेग्मीका अनुसार घाइतेहरुको गण्डकी मेडिकल कलेज पोखरामा उपचार भइरहेको छ । घाइते मध्ये शेर बहादुर तथा देउ कुमारीको अवस्था मध्यम रहेको र अन्य २ जनाको अवस्था सामान्य रहेको प्रहरीले जनाएको छ ।
