कोरोना संक्रमितलाई हेलिकोप्टर मार्फत उद्धार

आदर्श अनलाईन, बागलुङ

धौलागिरि अस्पताल बागलुङमा उपचाररत एक कोरोना सक्रमितलाई हेलिकोप्टरमार्फत थप उपचारका लागि काठमाण्डौं लगिएको छ ।

यही शुक्रबार कोरोना पोजेटिभ देखिएर धौलागिरी अस्पतालमा भर्ना हुनुभएको बागलुङ नगरपालिका–४ का ५४ वर्षीया महिलालाई स्वासप्रस्वासमा समस्या देखिएपछि थप उपचारका लागि काठमाण्डौं लगिएको धौलागिरी अस्पतालका सूचना अधिकारी तिर्थराज गौतमले जानकारी दिनुभयो ।

स्वासप्रस्वासमा समस्या देखिएपछि सक्रमितको परिवारले थप उपचारका लागि काठमाण्डौं लगिएको अस्पतालले जनाएको छ । उहाँलाई अस्पतालमा अक्सिजन दिइदै आएको थियो । सक्रमितलाई प्रभु बैंकको हेलिकप्टर मार्फत काठमाण्डौं हेम्स अस्पताल लगिएको हो ।