आदर्श अनलाइन, काठमाण्डौं ।
प्रधानमन्त्री केपी शर्मा ओलीले आज पद तथा गोपनीयताको शपथ ग्रहण गर्दै हुनुहुन्छ ।
तेस्रो पटक प्रधानमन्त्री बन्नुभएका ओलीले दिउँसो २ बजे शीतलनिवासमा गएर शपथ ग्रहण गर्न लागेको राष्ट्रपति कार्यालय स्रोतले बतायो । शपथपछि उहाँले आजै पदभार ग्रहण गर्ने कार्यक्रम छ ।
विश्वासको मत पाउन नसकेपछि यही वैशाख २७ गते ओली प्रधानमन्त्रीबाट पदमुक्त हुनुभएको थियो । अन्य दलले बहुमत पुर्याउन नसकेपछि राष्ट्रपति विद्यादेवी भण्डारीले संसदमा सबैभन्दा ठूलो दलको हैसियतले बिहीबार पुनः ओलीलाई नै प्रधानमन्त्री नियुक्त गर्नुभएको थियो ।
अल्पमतको सरकारको प्रधानमन्त्री नियुक्त हुनुभएका ओलीले अब ३० दिनभित्र विश्वासको मत लिनुपर्छ ।
प्रधानमन्त्री ओलीको शपथ साढे २ बजे
