आदर्श अनलाइन, बागलुङ
जिल्लाको बागलुङ नगरपालिका वडा नम्बर ६ लहरेपिपलमा ट्याक्टरले ठक्कर दिदा एक जनाको मृत्यु भएको छ ।
ट्याक्टर ठक्कर दिदा बागलुङ नगरपालिका वडा नम्बर ४ पाखाथर निवासी ५२ वर्षीया कमला कुमारी शर्माको मृत्यु भएको वडा सचिव रुद्र केसीले जानकारी दिनुभयो ।
ग १ त ६३०३ नम्बरको ट्याक्टर सिकाउने क्रममा शिक्षिका शर्मालाई ठक्कर दिदा उहाँको घटनास्थलमै मृत्यु भएको वडा सचिव केसीको भनाई छ ।
मृतक शर्मा सोही गाउँको काफलठूटा आधारभूत विद्यालयकी शिक्षिका हुनुहुन्छ । प्रहरीले ट्याक्टर चालक सुरेश नेपाली र सह–चालक भुवन नेपालीलाई नियन्त्रणमा लिएको छ ।
बागलुङमा ट्याक्टरले ठक्कर दिदा शिक्षिकाको मृत्यु
