–आदर्श अनलाइन, बागलुङ
बागलुङ बजारबाट जुवा खेलेको आरोपमा नगद सहित ६ जनालाई प्रहरीले पक्राउ गरेको छ ।
बागलुङ नगरपालिका–३ शिवधाराचोकको एक घरमा जुवा खेलेको सूचनाका आधारमा पुगेको प्रहरी टोलीले ३५ हजार ६ सय रुपैयाँ नगद सहित पक्राउ गरिएको जिल्ला प्रहरी कार्यालयका सूचना अधिकारी तथा प्रहरी नायव उपरीक्षक इकवाल हवारीले जानकारी दिनुभयो ।
पक्राउ पर्नेमा बागलुङ नगरपालिका–३ का राजेन्द्र धमाला, घरधनी डोलेन्द्र केसी, सोही स्थानका राजेन्द्र गौडेल, बीरगंज महानगरपालिका घर भएका मनोज शाह, बानपा १ का राजु बर्देवा र गोरखा घर भएका कृष्ण सुनार रहेको हवारीले बताउनुभयो । यसबारेमा थप अनुसन्धान भइरहेको र अनुसन्धान पश्चात कारबाही प्रक्रिया अघि बढाइने प्रहरीले जनाएको छ ।
