आदर्श अनलाइन, बुर्तिबाङ
बागलुङको ढोरपाटन नगरपालिका वडा नम्बर १ बुर्तिबाङ बजारमा पिकअप जिपले ठक्कर दिँदा एक जनाको मृत्यु भएको छ । ६ जना घाइते भएका छन् । ग २ च ५९८० नम्बको पिकअप जिपकोठक्करले तमानखोला गाउँपालिका वडा नम्बर २ का कृष्ण विकको छोरा ८ वर्षीय जोन सिर्पालीको मृत्यु भएको इलालका प्रहरी कार्यालय बुर्तिबाङका प्रमुख जयराम वन्तले जानकारी दिनुभयो ।
दुर्घटनामा ६ जना घाइते भएको मध्ये फाँट बजारमा व्यवसाय गर्दै आएका ढोरपाटन नगरपालिका वडा नम्बर ५ ४८ वर्षीष लेवेन्द्र कुवँर ढोरपाटन नगरपालिका वडा नम्बर १ का नरकिताब सुनार, ढोरपाटन ५ का विष्णु सापकोटा, ढोरपाटन ५ का सक्रेनी घर्ती, ढोरपाटन ५ का नरमला घर्ती, ढोरपाटन नगरपालिका ७ बस्ने निमसरा घर्तीका ९ वर्षीय छोरा आकाश घर्ती घाईते भएका छन् ।
घाइते कुँवरको बाँया खुट्टामा गम्भीर चोट लागेको भने ढोरपाटन १ का नरकिताव सुनारको हात र खुट्टामा गम्भीर चोट लागेको बताइएको छ । उनीहरुको उपचारका लागि हेलीकप्टर मार्फत पोखरा रेफर गरिएको छ ।
फाँटबजारमा पिकअप रोकेर चालक केर बहादुर विक नजिकैको पसलमा सामान राख्न बाहिर निस्कीएको अवस्थामा स्थानीय नमबहादुर मल्लले पिकअप चलाउन खाजेपछि दुर्घटना भएको पाइएको छ ।
चालकले चाँबी गाडीमै राखेको र मल्लले गाडी चलाउन नजानेी नजानी जवरजस्ती सिक्न खोज्दा दुर्घटना भएको प्रत्यक्षदर्शीले बताएका छन् । पिकअप सहित पिकअप चालक र पिकअप चलाएर दुर्घटना गराउने मल्ललाई इलाका प्रहरी कार्यालय बुर्तिबाङले नियन्त्रणमा लिएको इलाका प्रहरी कार्यालय बुर्तिबाङ प्रमुख जयराम वन्तले बताए
