आदर्श अनलाइन, बागलुङ
बागलुङमा भिरबाट लडेर एक जनाको मृत्यु भएको छ । भिरबाट लडेर गलकोट नगरपालिका वडा नम्बर ८ काँडेबास घर भई हाल बानपा–१ रामरेखामा मिस्त्रि गर्दै आउनु भएका ६० वर्षीय चन्द्र बहादुर गलामीको मृत्यु भएको जिल्ला प्रहरी कार्यालय बागलुङका सूचना अधिकारी विजय भण्डारीले जानकारी दिनुभयो ।
शनिबार दिउसो बागलुङ नगरपालिका वडा नम्बर १ गणेश घुम्तीमा उहाँको शव फेला परेको प्रहरीले जनाएको छ । उहाँ करिब १२० मिटरमाथि भिरबाट खस्न गई सल्लाको रुखमा अड्किकएको अवस्थामा मृत फेला परेको बताइएको छ ।
प्रहरी टोलीको सहयोगमा शव निकाली पोस्टमार्टमका लागि लागि धौलागिरी अस्पताल बागलुङमा ल्याईएको सूचना अधिकारी भण्डारीको भनाई छ । घटनाको सम्बन्धमा थप अनुसन्धान भई रहेको प्रहरीले जनाएको छ ।
