आदर्श अनलाइन,बागलुङ
नेपाली कांग्रेसका नेतृ तथा नेपाल महिला संघ जिल्ला कमिटि बागलुङकी सचिव उषा पौडेलले नेकपा एमालेको तर्फबाट जैमिनी नगरपालिकाको उपप्रमुखमा उमेद्वारी दर्ता गराउनुभएको छ ।
उषा पौडेल सोमबार नै एमाले प्रबेश गरेर पार्टीको तर्फबाट उमेद्वारी दर्ता गराएको एमाले जैमिनी नगर कमिटिका अध्यक्ष बद्री ढुंगानाले पुष्टी गर्नुभयो । ‘एमालेले अर्कैलाई टिकट दिएको थियो उप मेयमार, हामीले उहाँ आउने भनेपनी टिकट उहाँलाई नै दिएर उम्मेदवारी दर्ता गराउका हौं’ ढुङ्गानाले भन्नुभयो ।
सत्ता गठबन्धनले जैमिनी नगरपालिकामा राष्ट्रिय जनमोर्चालाई प्रमुख र नेपाली कांग्रेसलाई उपप्रमुख भागवण्डा लगाएपछि उम्मेदवारको चर्चामा रहनुभएको पौडेल रुष्ट हुनुभएको थियो । गठबन्धनले उप प्रमुखमा पार्टी सचिव हरिहर शर्मालाई उमेद्वार बनाउने निर्णयपछि पौडेल एमाले प्रबेश गर्नुभएको हो ।
पौडेल प्रवेश गरेपछि एमालेले उपप्रमुखको टिकट पाएकी एमुना शर्माको टिकट खोसेर पौडेललाई दिइएको थियो ।