गठबन्धन विपरित नेकपा एसबाट बानपाको उपमेयरमा आचार्यको उम्मेदवारी

आदर्श अनलाइन, बागलुङ
नेपाल कम्युनिष्ट पार्टी एकिकृत समाजवादीले गठबन्धको निर्णय विपरित बागलुङ नगरपालिकाको उपमेयर पदमा उम्मेदवारी दर्ता गरेको छ । गठबन्धको निर्णय अनुसार नेकपा एसलाई तमानखोलाको उपाध्यक्ष र जिल्ला समन्वय समितिको उपप्रमुख दिने निर्णय भएको थियो ।

तर नेकपा एसले मागिरहेको पद बागलुङ नगरपालिकाको उपमेयर नपाएपछि गठबन्धनको निर्णय विपरित समाजवादीका नेता जीवन आचार्यले उपमेयर पदमा उम्मेदवारी दिनुभएको छ ।

नेकपा एसका जिल्ला अध्यक्ष लाल बहादुर थापाले पार्टीको निर्णय अनुसारनै उपमेयरमा उम्मेदवारी दर्ता गरेको बताउनुभयो । ‘जे हुन्छ पार्टीको निर्णय अनुसार हुन्छ, पार्टीको निर्णय अनुसार दर्ता ग¥यौ, यस विषयमा केन्द्रिय तहमा छलफल भइरहेको छ, केही निर्णय गर्ला, त्यो निर्णय हामी मान्न तयार छौं ।’