आदर्श अनलाइन, बागलुङ
निसीखोलामा श्रीमतिलाई कुटपिट गरि हत्या भएको छ । बागलुङको निसीखोला गाउँपालिका–६ रोबाङका धनबहादुर घर्तीले उहाँको श्रीमती ३० वर्षीया मिना घर्तीलाई कुटपिट गरेर हत्या गरि फरार हुनु भएको छ ।
शनिबार राती घर्तीले श्रीमती मिनालाई कुटपिट गरेको स्थानीयको भनाई छ । श्रीमतीको मृत्यु भएपछि घर्ती फरार भएको जिल्ला प्रहरी कार्यालय बागलुङका सूचना अधिकारी गंगाबहादुर थापाले जानकारी दिनुभयो । मिनाको हत्या भएको १३ घण्टापछि मात्रै प्रहरीले खबर पाएको थापाले बताउनुभयो ।
फरार घर्तीको खोजतलास भइरहेको उहाँको भनाई छ । दुई जना बीच पटक–पटक विवाद हुँदै आएको बुझिएको छ ।