रोहन जि.सी, बागलुङ
बागलुङ नगरपालिका वडा नं. ८ सिगानामा टिप्पर दुर्घटना हुँदा चालकको मृत्यु भएको छ ।
बुधबार विहान बा.२ क ९२५८ नम्बरको टिप्पर दुर्घटना हुँदा चालक राजु मोक्तानको घटनास्थलमै मृत्यु भएको हो ।
निर्माण सामग्री अनलोड गरी सिगानाबाट काठेखोला पुल तर्फ आउँदै गर्दा दुर्घटना भएको थियो । टिप्पर सडकबाट २ सय मिटर तल खसेको जिल्ला प्रहरी कार्यालय बागलुङले जनाएको छ ।
दुर्घटनामा निधन भएका टिप्पर चालक मकवानपुरको हेटौंडा उप–महानगरपालिका–१४ निवासी रहेको प्रहरीले बतायो ।
