आदर्श अनलाइन, बागलुङ
श्रीमतीलाई कोदालोले टाउँकोमा हानेर हत्या गरेको आरोपमा जिल्ला प्रहरी कार्यालय बागलुङले जैमिनी नगरपालिका–२ बनौका ४५ वर्षीय केशव नेपालीलाई फागुन १८ गते पक्राउ गरेको छ । बिहीबार विहान घर नजिकै बारीमा आलु खन्न गएकी पत्नी ३५ वर्षीय राधा नेपालीलाई केशवले घरायासी विवादको क्रममा कोदालोले टाउँकोमा प्रहार गरेका थिए ।
उनको प्रहारबाट घाइते भएकी राधालाई स्थानीयले उपचारको लागि धौलागिरी अस्पताल बागलुङमा ल्याएका थिए । अस्पतालले दिउसो १ः३५ बजे राधालाई मृत घोषणा गरेको जिल्ला प्रहरी कार्यालय बागलुङका डिएसपी गंगाबहादुर थापाले जानकारी दिनुभयो ।
केशवलाई प्रहरीले घटनास्थलबाटै पक्राउ गरेर अनुसन्धान सुरु गरेको छ । मृतक राधाको धौलागिरी अस्पताल बागलुङमा पोष्टमार्टम पछि फागुन १९ गते आफ्न्तलाई शव बुझाइने थापाले बताउनुभयो ।