आदर्श अनलाइन, बागलुङ
बागलुङको काठेखोलामा पिकअप जीप दुर्घटना भएको छ । गलकोट नगरपालिका–३ हटियादेखि बागलुङ बजार आउँदै गरेको प्रदेश ३—०१—०२३ च ८६२५ नम्बरको पिकअप जिप काठेखोला गाउँपालिका–१ एकपाटामा दुर्घटना हुँदा चार जना घाइते भएका छन् ।
पिकअपको अचानक ब्रेक हुँदा १० मिटर तल खसेको छ । दुर्घटनामा गलकोट नगरपालिका–३ का ५२ वर्षीया नितु श्रेष्ठ, ५७ वर्षीय विरबल श्रेष्ठ, ५९ वर्षीय कृष्ण श्रेष्ठ र चालक २६ वर्षीय अभिषेक श्रेष्ठ घाईते भएको जिल्ला प्रहरी कार्यालय बागलुङका सूचना अधिकारी प्रहरी प्रहरी नायव उपरीक्षक मदन केसीले जानकारी दिनुभयो ।
घाईते मध्ये नितु श्रेष्ठलाई पोखरा रेफर गरिएकाे र अन्यको धौलागिरी अस्पताल बागलुङमा उपचार भइरहेको उहाँको भनाई छ ।
