आदर्श अनलाइन, बागलुङ
बागलुङको गलकोट नगरपालिका–२ भुङ्खानीमा पिकअप जीप दुर्घटनामा मृत्युहुने तीन जनामध्ये एक जनाको सनाखत भएको छ ।
दुर्घटनामा परी मृत्यु हुनेमा पुथा उत्तरगंगा गाउँपालिका रुकुम पूर्वका गाउँपालिका उपाध्यक्ष ३३ वर्षीया भुपेन्द्रा बुढा रहेको जिल्ला प्रहरी कार्यालय बागलुङका सुचना अधिकारी प्रताप पौडेलले बताउनुभयो ।
अन्य मृतक एक पुरुष र एक महिलाको पहिचान भने अझै खुल्न सकेको छैन ।
शुक्रबार विहान पुथा उत्तरगंगा गाउँपालिकाको रा १ ज २०० नम्बर को पिकअप जिप दुर्घटना हुँदा दुई महिला र एक पुरुषको मृत्यु भएको हो भने एक जना गम्भिर घाइते भएका छन् ।
जिल्ला प्रहरी कार्यालय बागलुङका प्रहरी निरीक्षक प्रताप पौडेलले गाउँपालिका उपाध्यक्षको परिचय पत्रका आधारमा पहिचान खुलेको जानकारी दिनुभयो ।
घाइतेलाई धौलागिरी अस्पताल बागलुङमा ल्याइदै गरिएको छ ।
जीप मध्यपहाडी लोकमार्गदेखि करिब ३०० मिटर तल खसेको अनुमान गरिएको छ । जीप बागलुङबाट रुकुम पूर्व तर्फ जादै गरेको थियो ।
