खेमराज गौतम, बागलुङ
पछिल्लो सयम चर्चामा रहेको घरबास हो बागलुङ भकुण्डेको अतिथि सत्कार घरबास । घरबासमा पछिल्लो समय स्वदेशी मात्रै नभएर विदेशी पर्यटकहरु समेत आउने गरेका छन् । प्रकृतिकरुपमा विधिकिरणका कारण भकुण्डेले विदेशी पर्यटकलाई मोहनी लगाएको छ । घरबासमा पुगेका विदेशी पर्यटकले अर्गानिक खानाका परिकारसंगै हिमाल हेर्न पाउने भएपछि भकुण्डे पुग्ने जो कोहीपर्यटकले घरबासको प्रशंसा गरेकै हुन्छन् ।
केही पर्यटक त हेलिकप्टर मार्फत घरबासमा आएका छन् । तर पाँच वर्षदेखि नियमित रुपमा भकुण्डे आइरहेने विदेशी पर्यटक भने विश्व भेगन अर्गनाइजेशनमा आबद्ध छन् । बागलुङ नगरपालिका–१० पर्यटकीय गाउँ भकुण्डेमा अहिले युकेका पाँच जना र अमेरिकाका एक गरी छ जना विदेशी पर्यटक पुगेका छन् । उनिहरुले यहाँबाट देखिने हिमालले मोहनी प्रतिकृया दिएका छन् । बुधबार मात्रै पर्यटन व्यवसायी महादेव शर्माको नेतृत्वमा भकुण्डे पुगेका छ विदेशी पर्यटक तीन दिन घरबासमै बस्नेछन् । उनिहरुको पहिलो रोजाई हिमालको दृश्य परेको छ । बिहान उठ्दासाथ आखै अघिका हिमाल देख्दै अर्गानिक साग, सिस्नु,कोदो र भट्टको परिकार खादा छुट्टै आनन्द आएको युकेदेखि भकुण्डे घुम्न आउनुभएका म्यागीले प्रतिकृया दिनुभयो ।
“आफूले भकुण्डेको तस्बिर र भिडियो देखेकै कारण यहाँ आएको थिए, पुराना घर स्वच्छ हरीयाली वातावरणमा बसेर हिमाल हेर्दा निकै आनन्द लाग्यो” म्यागीले भन्नुभयो “यस ठाउँमा आउने जो कोहीले यो रमाइलो पल बिर्सन सकिदैन होला ।”
विदेशी पाहुँनाले घरबास सञ्चालक संगै कोदो टिप्ने, साग केलाउने र अन्य घरायसी काममा समेत सघाउने गरेका छन् । घरबासमा विदेशी पर्यटकको आठौ समूह लिएर आएको पर्यटन व्यवसायी महादेव शर्माले बताउनुभयो । शर्माले भेगन समूहमा आबद्ध विश्वका पर्यटकहरु एक पटक भकुण्डे आउने चाहना व्यक्त गरेको बताउनुभयो । उहाँले यहाँबाट देखिने हिमाल, सनराईज र सनसेट, हरीयाली वातावरण र सिस्नो, ढिडो र गुन्द्रुक लगायतको परिकारले पाहुनालाई मोहनी लगाउने गरेको जानकारी दिनुभयो ।
शर्माकै पहलमा भकुण्डेमा पाँच वर्ष अघिमात्रै विदेशी पर्यटक भित्रिएका थिए । बागलुङको भकुण्डे गाउँको आतिथि सत्कार होमस्टे (घरबास) रोजाईमा पर्नुको काराण यहाँको आतिथ्यता, कला संस्कृति र प्राकृतिक मनोरमको दृश्य रहेको अनुभव शर्माले सुनाउनुभयो । उहाँले भकुण्डे आएको पाहुँनालाई आगमी वर्षदेखि मुस्ताङ समेत लैजानेगरी समय थप गर्ने बताउनुभयो । भकुण्डे जिल्ला सदरमुकाम देखि तीन घण्टाको पैदलमार्फत पुग्न सकिन्छ । अतिथि सत्कार घरबासका सञ्चालक याम थापाले पछिल्लो समय स्वदेशी पर्यटक मात्रै नभएर अमेरिका, युके, क्यानडा, जापान, चिन र कोरियाबाट विदेशी पर्यटकहरु आउने गरेको बताउनुभयो ।
उनिहरुले आफ्नो घरको आगनबाट देखिने धौलागिरी, अन्नपूर्ण र माछापुच्छ्रे हिमऋङ्खलाले मोहनी लगाउने गरेको बताउने गरेको थापाको भनाई छ ।
“संस्थागत रुपमा महादेशव शर्माको पहलमा यहाँ विदेशी आउन थाल्नुभयो, अन्य संघ संस्थाबाट आउनुभएका विदेशी पर्यटकलाई समेत भकुण्डे घुमाउन ल्याउनुहुन्छ, अहिले घरबासमा स्वदेशी र विदेशी पर्यटक दुबैको आकर्षण छ, यहाँ अर्गानिक खानाको परिकार र प्राकृतिक दृश्य नै पहिलो रोजाई हो” घरबास सञ्चालक थापाले भन्नुभयो “भेगनमा आबद्द पर्यटकहरुले हामीलाई खान बनाउनेदेखि खेत बारीको काममा समेत सघाउन खोज्नुहुन्छ, उनिहरुले यहाँको कामको विषयमा जान्न खोज्नुहुन्छ, गाउँमा बसेर विदेशी पर्यटकलाई घरबासको माध्यमबाट स्वागत सत्कार गर्न पाउनु हाम्रो लागि गौरवको विषय हो ।”
नेपालको खेतीपाती र कला–संस्कृतिका विषयमा बाह्य पर्यटकलाई चासो हुने भएकाले उनीहरूले परीक्षण गर्ने र खेतीपातीको विषयमा जानकारी दिनसमेत कोदोबारीमा पुग्ने गरेको पाइन्छ ।
मासु तथा मासुजन्य पदार्थ उपभोग नगर्ने भेगनमा आबद्ध विदेशी पर्यटकले त्यहाँको समुदाय र विद्यालयलाई समेत विभिन्न सहयोग गदै समेत आएका छन् । बाह्य पर्यटकको मुख्य रोजाईमा हिमऋङ्खला, खानपान र कला–संस्कृति नै रहेको थापाले बताउनुभयो । घरबासमा एक रातमा ८० जना पर्यटक बस्ने व्यवस्था छ । घरबास सञ्चालकले गाउँमै उत्पादित आलु, भटमास, मकै, मुला, कोदोको ढिँडो, सिस्नो र गुन्द्रुकको स्वाद लिन पाइन्छ ।
२०७३ सालमा स्थापना भएको जिल्लाकै पहिलो अतिथि सत्कार घरबासमा मगर समुदायका १५ घर समावेश गरिएका छन् । घरबास सञ्चालनमा आएसँगै यहाँका स्थानीयहरु खेतीपातीको काम संगै आय आर्जनमा जोडिएका हुन् । भुकण्डेको शिरमा रहेको मुलाबारी भ्यूटावर, मध्यभागमा रहेको बराह ताल पर्यटक लोभ्याउने अतिरिक्त माध्यम समेत रहेका छन् ।
