बडिगाडमा श्रीमान श्रीमती मृत फेला

आदर्श अनलाइन, बागलुङ
बागलुङ जिल्लाको बडिगाडमा श्रीमान श्रीमती मृत फेला परेका छन् । बडिगाड गाउँपालिका–१० निगलपानीका २२ वर्षीय जीवन परिवार र उहाँकी श्रीमती १९ वर्षीया सन्ध्या परियार आफ्नै घरमा मृत फेला परेको प्रहरीले जनाएको ।

बिहीबार सँगै खाना खाएर सुतेका श्रीमान श्रीमती शुक्रबार मृत अवस्थामा भेटिएपछि प्रहरीले अनुसन्धान थालेको जिल्ला प्रहरी कार्यालय बागलुङ प्रहरी निरिक्षक केशव थापाले जानकारी दिनुभयो ।

गाउँलेले मृत भेटिएको दम्पतीको जानकारी प्रहरीलाई गराएको थियो । दम्पतीको शव बुर्तिबाङ प्राथमिक स्वास्थ्य केन्द्रमा परिक्षणका लागि पठाइएको छ । मृत्युको कारण खुल्न नसकेको र प्रहरीले गहन ढंगले अनुसन्धान थालेको थापाको भनाई छ ।