आदर्श अनलाइन, बागलुङ
आदर्श सञ्चार सहकारी संस्थाद्वारा प्रकाशित धौलागिरी जागरण दैनिक, अग्रसर साप्ताहिक र आदर्श अनलाइनका सहसम्पादक खेमराज गौतम सिर्जनशील पत्रकारिता पुरस्कारबाट पुरस्कृत हुनु भएको छ । सहसम्पादक सिर्जना पन्त र पत्रकार सन्तोष क्षेत्रीले वि.सं. २०७१ सालमा स्थापना गरेको सिर्जनशील पत्रकारिता पुरस्कारबाट गौतम पुरस्कृत हुनु भएको हो ।
आदर्श सञ्चार सहकारी संस्था लिमिटेड बागलुङको शनिबार भएको १८ औं वार्षिक साधारण सभाका अवसरमा गौतम नगद रु १० हजारसहित पुरस्कृत हुनु भएको हो । १२ वर्षदेखि पत्रकारितामा सक्रिय गौतमले आदर्शसँगै राष्ट्रिय समाचार समिति (रासस)मा काम गर्दै आउनु भएको छ । उहाँ विगत छ ११ वर्षदेखि पत्रकारितामा क्रियाशील हुनुहुन्छ ।
समाजमा विद्यमान भड्किलो विवाहका विरुद्ध पत्रकारद्वय पन्त र क्षेत्रीले प्रगतिशील विवाह गरेर समाजमा सकारात्मक सन्देश प्रवाह गर्दै आफ्नो विवाह खर्च कटाएर रु. ५० हजारको आदर्श सञ्चार सहकारीमा अक्षयकोष स्थापना गरेका थिए ।
उक्त कोषको ब्याजबाट आउने रकमबाट हरेक वर्ष धौलागिरीका क्रियाशील र सिर्जनशील पत्रकारलाई पुरस्कृत गरिँदै आइएको छ । अहिले उक्त कोषको रकम रु. एक लाख पु¥याइएको छ । अघिल्लो वर्षहरुमा पर्वतका पत्रकार लक्ष्मीप्रसाद सापकोट, बागलुङकी कोपीला कँडेल, राम थापा अविरल, संगम घर्तीमगर, दिल शिरीष, म्याग्दीका सन्तोष गौतम, हरिकृष्ण गौतम, मुस्ताङका सुन्दरकुमार थकाली र पर्वतका सन्तोष थापा पुरस्कृत हुनु भएको थियो ।
