प्रतिवन्धित नेकपाका महासचिव नेत्र बिक्रम चन्द विप्लवका छोरा कहाँ होलान् ? धेरैलाई यो चासो र जिज्ञासाको बिषय हुन सक्छ । विप्लवका छोरा प्रकाश चन्द बुधवार पक्राउ परेपछि धेरैले नेकपाकै नेता कार्यकर्ता भएर राज्य बिरुद्ध गतिविधि गरेको आरोपमा पक्राउ परेका आँकलन गरिरहेका छन् ।
तर, प्रकाश पक्राउ पर्नुको कारण भिन्नै छ । चितवन मेडिकल कलेजबाट विप्लवका छोरा प्रकाशसहित १७ जना पक्राउ परेका छन् । बुधबार बिहान मेडिकल कलेजको इमर्जेन्सी कक्ष बन्द गराउन खोज्दा उनीहरुलाई पक्राउ गरिएको जिल्ला प्रहरी कार्यालय चितवनले जानकारी दिएको छ।
चितवन मेडिकल कलेजका विद्यार्थीहरु केहीदिन देखि विभिन्न माग राखेर चरणबद्ध आन्दोलनरत गरिरहेका छन् । आन्दोलनमा सहभागि भएका प्रकाश चन्द सहितलाई पक्राउ गरिएको प्रहरीले जनाएको छ । प्रहरीका अनुसार आन्दोलनमा सहभागि ७ जना महिला र १० जना पुरुष पक्राउ परेका छन् ।
