जेसीजबाट सम्मानित टेलिकम प्रमुख केशव शर्मा र आध्यात्मिक अभियन्ता अच्युतकृष्ण दास ।
आदर्श अनलाइन
बागलुङ
बागलुङ जेसीजले जिल्लामा पृथक र उदाहरणीय कार्य गर्ने जिल्लाका दुई युवालाई जेसीज सम्मान प्रदान गरेको छ ।
बागलुङ जेसीजले हरेक बर्ष मनाउँदै आएको जेसीज सप्ताहको शुभारम्भका अवसरमा नेपाल टेलिकम बागलुङ शाखाका प्रमुख केशव शर्मा र हरे कृष्ण अभियानका अभियन्ता परमेश्वर अच्युत दासलाई सम्मान गरेको हो । शर्माले धौलागिरीका बागलुङ, पर्वत, म्याग्दी र मुस्ताङका दुर्गम ठाउँहरुमा पनि सूचनाको पहुँच स्थापित गर्न र परमेश्वर अच्युत दासले आध्यात्मिक जागरण मार्फत युवाहरुलाई तनावमुक्त स्वस्थ र परोपकारी जीवन व्यतित गर्न प्रेरणादायक भुमिका निर्वाह गरेकाले सम्मान गरिएको बागलुङ जेसीजका अध्यक्ष एञ्जिल शाक्यले आदर्श अनलाइनलाई बताउँनुभयो ।
केही बर्ष यता जेसीजले युवाहरुलाई सामाजिक एवम् सकरात्मक कार्यमा लाग्नका लागि थप प्रोत्साहित गर्न बर्षेनी उत्कृष्ट र समुदायमा उदाहरणीय कार्य गरेका युवाहरुलाई जेसीज सम्मानबाट सम्मान गर्दै आएको जेसीजका पूर्व अध्यक्ष सुदिप राजभण्डारीले बताउँनुभयो ।
जेसीज सम्मान सहित शुरु भएको जेसीज सप्ताहका अवसरमा आगामी असोज ३ गते सम्म बिभिन्न कार्यक्रम गरिने सप्ताह मुल समारोह समितिका संयोजक आकृति भण्डारीले जानकारी दिनुभयो ।
