आदर्श अनलाइन
प्रधानमन्त्री केपी शर्मा ओलीले जनवादी गायक जीवन शर्मालाई आइतबार दिउँसो आफ्नै निवास बालुवाटारमा बोलाएर भेट गर्नुभएको छ ।
जनगायक शर्माका छोरा निर्मल आचार्यको स्वास्थ्य अवस्थाबारे जानकारी लिन प्रधानमन्त्री ओलीले उहाँसँग भेट गर्नुभएको हो। शर्माका माइला छोरा आचार्यको अन्न नलीमा हाडले प्वाल पारेपछि अवस्था गम्भिर रहेको र अहिले उपचाररत हुनुहुन्छ ।
शर्मासँगको भेटमा प्रधानमन्त्री ओलीले छोराको उपचारका लागि आवश्यक सहयोग गर्ने बताउनुभएको थियो । भेटका क्रममा गायक जीवन शर्माले पनि प्रधानमन्त्री ओलीको स्वास्थ्य स्थितिबारे सोध्नुभएको थियो । भेटमा शर्माले तत्कालका लागि सहयोगको आवश्यक नरहेको प्रधानमन्त्रीलाई बताउनुभएको थियो ।
पछिल्लो समय शर्माको छोराको उपचारका लागि देश बिदेशमा स्वतस्फुर्त सहयोग अभियान सञ्चालन गरिएको छ । शर्माले केही युट्युव च्यानलले अनावश्यक शिर्षक राखेर आँफ्नाबारे गलत सन्देश प्रवाह गरेकोमा भने असन्तुष्टी व्यक्त गर्नुभएको छ ।
