आदर्श अनलाइन, म्याग्दी
जिल्लाको बेनी नगरपालिका–२ गौश्वाराको सिद्धभूमे हरियाली सामुदायिक ९उद्यान० वनमा व्यवसायिक रुपमा चिया खेती थालिएको छ ।
परिक्षण स्वरुप लगाएको चिया खेती सफल भएपछि सामुदायिक बनका उपभोक्ता उत्साहित छन् । सामुदायिक वनको १० रोपनी क्षेत्रफल जमीन मध्ये चार रोपनी क्षेत्रफलमा परीक्षणको रुपमा गरिएको चियाखेती सफल भएको सिद्धभूमे हरियाली सामुदायिक वन उपभोक्ता समितिका सदस्य रामबहादुर गुरुङले आदर्श अनलाइनलाई बताउनुभयो ।
समुद्री सतहदेखि करीब २ हजार २ सय मिटरको उचाइमा रहेको गौश्वारामा सात वर्षअघि गोल्डेन जातको चियाका पाँच हजार बिरुवा परीक्षणको रुपमा लगाइएका थिए । तिनै बिरुवा हुर्केर अहिले सो क्षेत्रमा चियाको वन जस्ता देखिन थालेका छन् ।
“हामीले परीक्षणको रुपमा लगाएका बिरुवाले यस वर्षदेखि उत्पादन दिन सफल भएका छन्”, गुरुङले भन्नुभयो, “चिया खेती निकै राम्रो भएको छ । आगामी दिनमा चियाका बिरुवाहरु थप्ने योजनामा छौँ ।” गौश्वारा गाउँ शितोष्ण हावापानी भएको र पूर्वतर्फ फर्किएको जौविक विविधताले सम्पन्न नमूना गाउँ हो ।
गौश्वाराको वन क्षेत्रमा साल, सिर्मु, सल्लोलगायतका काठ तथा विभिन्न किसिमका जडिबुटीहरु, एवं जङ्गली जनावर र पक्षी देख्न सकिने स्थानीय परमेश्वर मल्लले बताउनुभयो । “चिया खेतीलाई प्रबर्द्धन गरी व्यावसायिक खेती शुरु गर्ने हो भने राम्रो आम्दानी गर्न सकिन्छ, उहाँले भन्नुभयो।’’
