आदर्श अनलाइन, बेनी
म्याग्दी जिल्लामा घाँस काट्न हिँडेका एक पुरुषको भीरबाट लडेर मृत्यु भएको छ ।
म्याग्दीको धौलागिरी गाउँपालिका-४ मुदीका ४० वर्षीय महेन्द्र गर्बुजाको भीरको खोचमा खसेर मृत्यु भएको हो । बिहीबार घाँस काट्न भनी हिडेँका गर्बुजा घर नफर्के पछि खोज्न जाँदा सिग्वाङ जङ्गलमा मृत अवस्थामा फेला परेका प्रहरीले जनाएको छ ।
घटनाको विषयमा थप अनुसन्धान भइरहेको पनि प्रहरीले उल्लेख गरेको छ ।