आदर्श अनलाई, काठमाडौ
कोरोना भाइरस (कोभिड–१९) को खोप निर्माणको निम्ति विभिन्न ३२ कम्पनीले अनुसन्धान तीव्र बनाएका छन् ।
अमेरिकाको वोस्टनमा अवस्थित फार्म मोर्डेनाले जनावारमा सफल परीक्षण भएमा मानिसमा समेत यथशीघ्र परीक्षण गरिने जनाएको छ । मोर्डेनाले यसअघि ‘मर्स’ भाइरसको खोप आविस्कार गरेको थियो ।
मोर्डेनाले सन् २००२ मा चीनवाट नै सुरु भएको अर्को महमारी सार्स भाइरसको खोप सिओभी–२ लाई नै पुन : परिमार्जितरुपमा सिधै मानिसमा परीक्षण गर्ने जनाएको छ । सिओभी–२ ले विशेषत भाइरसलाई फोक्सोमा प्रवेश गर्नवाट जोगाउछ भने भाइरसलाई कोषहरुसम्म पुग्नवाट रोक्ने काम गर्दछ ।
अर्को कम्पनी नोभेक्सले पनि सिओभि–२ लाई थप संयोजन गरि नयाँ रणनीतिको साथ कोभिड–१९ को खोप निर्माण गर्न आफ्नो सम्पूर्ण ध्यान केन्द्रीय गरेको जनाएको छ । यस्तै वेलायती कम्पनी सेपीले अक्सफोर्ड विश्वविद्यालय र अमेरिकी कम्पनी नोभ्याक्ससॅग मिलेर ४ दशमलव ४ मिलियन डलरको खोप निर्माण परियोजना अघि बढाएको छ ।
यस अघि बासिङटन राज्यमा कोरोना विरुद्धको एउटा खोप मानिसमा परिक्षण भएको छ । यसबाट अनुसन्धानकर्ता र विश्व समुदायले राहतको सास छिटै फेर्न पाउने आस गरेका छन् । मानिसमा परिक्षण गरिएको खोपको प्रारम्भिक नतिजा अपेक्षाकृत रुपमा सफल देखिएको बताइएको छ ।
