आदर्श अनलाईन, बागलुङ
बागलुङ जिल्लाबाट कोरोना परीक्षणका लागि १२ जनाको स्वाब पठाइएकोमा १० जनाको रिपोर्ट संक्रमण नभएको (नेगेटिभ रिपोर्ट) आएको छ ।
दुई जनामा भने कोरोना संक्रमण पुष्टि भएको छ । नेपालमा पाँचौ संक्रमितको रुपमा पहिचान भएकी बानपा ४ कुडुलेकी युवति र उनको परिवार, यात्रामा जोडिएका ७ जना, अन्य ३ जनाको रिपोर्ट नेगेटिभ आएको जिल्ला स्वास्थ्य कार्यालय बागलुङका प्रमुख सुरज गुरौले आदर्श अनलाइनलाई जानकारी दिनुभयो ।
उहाँका अनुसार, बागलुङ नगरपालिका वडा नम्बर ४ की किशोरी र वडा नम्बर ३ गौडाकोटकी ६५ वर्षीय महिलाको रिपोर्ट पोजेटिभ आएको हो । कुडुलेकी युवतिको यो दोस्रो पटकको स्वाब परिक्षण हो । दोस्रो पटक पनि पोजेटिभ देखिएको छ ।