–आदर्श अनलाईन, बागलुङ
बागलुङ नगरपालिका वडा नम्बर–१ स्थित रामरेखा आधारभूत विद्यालयको क्वारेन्टिनमा बसेका २२ जनाको पीसीआर परिक्षण रिपोर्ट नेगेटिभ आएको नगर स्वास्थ्य शाखा संयोजक राम प्रसाद खनालले जानकारी दिनुभयो । उनिहरुको आईतबार स्बाव संकलन गरिएको थियो । बागलुङ नगरपालिकामा भारत तथा तराईका जिल्लाबाट भित्रिदै आएकालाई क्वारेन्टिनमा राखिदै आएको छ ।
अहिले रामरेखा आधारभूत विद्यालयमा तराईका जिल्लाबाट आएका २४ जना बस्दै आएका छन् । क्षमता भन्दा चारजना बढीलाई क्वारेन्टिनमा राख्दै आएको नगरपालिकाले क्वारेन्टिनको क्षमता विस्तार गर्न थालेको बागलुङ नगरपालिकाका प्रमुख जनकराज पौडेलले जानकारी दिनुभयो ।
तराईका विभिन्न जिल्लाहरु, विरगंज, पर्सामा पुष्टी भएका १४ संक्रमितलाई बागलुङबाट छोड्न गएका र सम्पर्कमा आएकालाई क्वारेन्टिनमा राखिएको छ ।
