आदर्श अनलाइन, बागलुङ
लामो सायदेखि बागलुङ बजारमा सामाजिक कार्यमा क्रियाशिल रोट्रयाक्ट क्लव अफ बागलुङले बिहीबार बागलुङ नगरपालिकाले सञ्चालन गरेको फुड बैंकमा ३० हजार ३ सय ९५ रुपैया बराबरको खाद्य सामग्री हस्तान्तरण गरेको छ ।
युवाहरुले देशमा संकट परेको समयमा साथ दिने भन्दै आगामी दिनमापनि क्लवको तर्फबाट सहयोग गर्नुपरेमा नगरपालिकाको साथमा रहेको क्लवका अध्यक्ष सुमित साहीले बताउदै उहाँले १५ बोरा चामाल, २ प्याक सन फलावरको तेल, १ बोरा नुन, १ बोरा दाल फुड बैंकलाई हस्तान्तरण गरेको जानकारी दिनुभयो ।
खाद्य सामाग्री ग्रहण गर्दै नगरपालिकाका निमित्त प्रमुख प्रशासकिय अधिकृत दण्डपानी शर्मा र बरिष्ठ योजना तथा प्रशासकिय अधिकृत युक्तप्रसाद सुवेदीले क्लवको सामाजिक कार्यलाई धन्यवाद ज्ञापन गर्नु भएको थियो ।
