आदर्श अनलाइन,बागलुङ
बागलुङमा थप ८ जनामा कोरोना संक्रमण पुष्टि भएको छ ।
जिल्लाको काठेखोला गाउँपालिकामा आज ८ जना संक्रमित भएको विज्ञप्ती गण्डकी प्रदेश स्वास्थ्य निर्देशनालयले जारी गरे पनि काठेखोलामा ५ जना मात्रै संक्रमित पुष्टि भएको खुलेको छ ।
धौलागिरी अस्पतालमा प्राप्त भएको ल्याब रिपोर्ट नामावलीमा काठेखोला गाउँपालिकाका ५ जनाको मात्रै संक्रमण पुष्टि भएको हो । अन्य ३ जना जिल्लाकै ढोरपाटन नगरपालिकाको भएको अस्पतालले जनाएको छ । निदेशनालयले शनिवार बिहानै जिल्लाको काठेखोला गाउँपालिकाका ७ पुरुष र १ महिलामा कोरोना संक्रमण पुष्टि भएको प्रेस विज्ञप्ती प्रकाशित गरेको थियो ।