आदर्श अनलाइन, काठमाण्डौ
कोरोना संकटका कारण एसइई परीक्षा नलिएको सरकारले यस वर्षको कक्षा ११ को पनि बोर्ड परीक्षा नलिने भएको छ ।
कोरोना भाइरसको महामारीका कारण परीक्षा सञ्चालन गर्ने अवस्था नभएको भन्दै अब आन्तरिक मूल्यांकनबाट विद्यार्थीहरुलाई प्रमाणपत्र दिइने परीक्षा बोर्डले जनाएको छ ।
यो परीक्षा वैशाख २१ गतेबाट गर्ने तय भएको थियो । विद्यार्थीहरुको आन्तरिम मूल्यांकन कसरी गर्ने भनेर कार्यविधि बनाउने जिम्मा पनि राष्ट्रिय परीक्षा बोर्डलाई दिइएको छ । कार्यविधि अनुसार सम्बन्धित कलेजलहरुले विद्यार्थीलाई अंक प्रदान गर्नेछन् ।