आदर्श अनलाइन, बागलुङ
प्रतिनिधि सभा सदस्य स्वर्गीय ज्ञानकुमारी छन्त्यालको १९ औँ दिनको पुण्य तिथीका अवसरमा बुर्तिबाङ महिला विकास बचत तथा ऋण सहकारी संस्थाले शोक सभा गरेको छ ।
शोक सभामा छन्त्यालले पश्चिम बागलुङमा गरेका योगदानका बारेमा चर्चा गरेका थिए । शोक सभामा बोल्ने वक्ताहरुले छन्त्यालले पिछडीएका वर्ग र अन्याय अत्याचारमा परेका महिलाहरुको उद्धारमा ठूलो योगदान पुराएको बताएका थिए ।
संस्थाको वरिस्ठ सल्लाहकार समेत रहेकी स्वर्गीय छन्त्यालले महिलाहरुको हक अधिकारका लागि पश्चिम बागलुङमा धेरै वर्ष संघर्ष गरेको उनीहरुको भनाई थियो ।
शोक सभामा संस्थाका सल्लाहकार दुर्गादेवी घर्ती मगर, सह–सचिव दिलमाया पौवी, पुष्पा पौडेल शेयर सदस्य पदम कुमारी विक लगायतले बोलेका थिए ।
कार्यक्रम संस्थाकी अध्यक्ष रत्नकुमारी शेरचनको अध्यक्षता र सचिव लिलमाया पुनको संचालनमा सम्पन्न भएको थियो ।
बुर्तिबाङका महिलाले सम्झिए स्वर्गीय सांसद छन्त्याललाई
