आर्दश अनलाईन, बागलुङ
अखिल नेपाल महिला संघ बागलुङले सती प्रथा अन्त्य भएको एक सय वर्ष पुगेको अवसरमा बिहीबार बागलुङमा अन्तरक्रिया कार्यक्रम गरेको छ ।
कार्यक्रममा बोल्ने वक्ताहरुले सति प्रथाको अन्त्य भए पनि अझै समाजमा महिलामाथि हुने हिंसा, दमनमा कमी आउन नसकेको औलाएका छन् ।
उनीहरुले आफ्नो हक अधिकार प्राप्तीका लागि र दमनबाट मुक्त हुन महिला शिक्षित हुनको विकल्प नरहेको बताएका थिए ।
कार्यक्रममा अखिल नेपाल महिला संघ केन्द्रीय सदस्य मनकुमारी केसीले मुलुक परिवर्तनमा महिलाले गरेका योग्दानलाई राज्यले मुल्याङकन गर्नु पर्न समय आएको बताउनुभयो ।
समाजमा भएका हरेक कुरितीलाई निर्मुल गर्नका निम्ति महिलाहरुको अग्रणी भूमिका हुने बताउनुभयो । उहाँले आफै दनममा परेका महिलाले समाज परिवर्तन गर्न गाह्रो हुने भन्दै कुनै पनि हिंसा र दमन लुकाउनु नहुने बताउनुभयो ।
सती प्रथामा श्रीमानको मृत्यु हुँदा श्रीमती पनि सँगै मर्नुपर्ने बाध्यता थियो । राणा प्रधानमन्त्री चन्द्र शमशेरले एक सय वर्ष अघ यस प्रथा अन्त्य गरेका थिए ।
कार्यक्रममा अखिल नेपाल महिला संघले साउन, भदौ र असोजमा १० वटै स्थानीय तहका कमिटीलाई परिचालन गर्ने गरी कार्यक्रम बनाएको संयोजक साबित्री रानाले जानकारी दिनुभयो ।
अखिल नेपाल महिला संघ बागलुङका संयोजक सावित्री रानाको अध्क्षयता र सह–संयोजक कुशुम बुढाको धन्यबाद मन्तब्यमा कार्यक्रम सम्पन्न भएको थियो ।
अनेम सङ्घ बागलुङद्वारा सती प्रथा अन्त्यकाे सय वर्ष स्मरण
