आदर्श अनलाइन,पोखरा
पोखरामा होम क्वारेन्टाइनमा बसेका पुरुषमा कोरोना पुष्टि भएको छ ।
पोखरा स्वास्थ्य विज्ञान प्रतिष्ठानस्थित कोरोना प्रयोगशालनमा गरिएको परीक्षणमा पोखरा–१८ का २२ वर्षे पुरुषमा कोरोना पुष्टि भएको हो ।
पोखरा महानगरको स्वास्थ्य महाशाखाका अनुसार उनी भारतको सिक्किमबाट आएर होम क्वारेन्टाइनमा बसेका थिए ।
उनी विन्ध्यवासिनी मन्दिर पश्चिम तिरबाट सराङकोट जाने बाटो नजिकैका बासिन्दा रहेको महानगरले जनाएको छ ।
स्वाब परीक्षणका लागि पठाइएकोमा शनिबार कोरोना पोजेटिभ देखिएको हो ।योसहित पोखरामा कोरोना पुष्टि हुनेको संख्या ९१ पुगेको छ ।
